O Coro Rías Baixas en colaboración con Acopovi ofreceremos un concerto de pequeno formato o sábado 1 de agosto, en compensación á cancelación do Descendemento.

A actuación será nun formato reducido de cámara de só doce voces, para poder gardar a distancia de seguridade. O repertorio estará formado polas obras “Ave verum”, de Byrd; “Jubilate deo”, de Halmos, “Jesu dulcis memoria”, de Victoria; “Aleluia”, de Artes e o salmo CXX, de Olsson.